Монета ежелгі грек мифологиясындағы кейіпкер — Мидас патшаның бейнесіне арналған, оның есімі шексіз байлықтың символына айналған. Аңыз бойынша, Мидас Дионистен ерекше сый алады: ол қол тигізгеннің бәрі алтынға айналатын болған. Әуелде бұл қабілет игілік болып көрінгенімен, көп ұзамай ауыр сынақтың көзіне айналып, байлыққа деген шектен тыс құмарлықтың қайғыға ұрындыруы мүмкін екенін көрсетеді. Бұл сюжет ғасырлар бойы өлшемділік, жауапкершілік және заттардың шынайы құндылығы туралы еске салып келеді. 9999 сынамалы алтыннан жасалған монетаның номиналы 100 ₸, салмағы 1,24 г. Оның тақырыбы антикалық аңызды және нумизматикада кеңінен танылған мифологиялық бейнелерге жүгіну дәстүрін тоғыстырады.
